Llapjani që po shkëlqen me Ballkanin – Kështu filloi karriera e tij

Albion Rrahmani me prejardhje nga Podujeva është lojtari kryesor i Ballkanit këtë sezonë. Ai në 6 ndeshje të luajtura në Conference League, ka shënuar 7 gola dhe ka asistuar një herë, shkruan PodujevaSot.

Por si filloi karriera e Albion Rrahmanit?

Albion Rrahmani në sezonin 2019/20 ishte pjesë e Llapit U-19, ku edhe u bë kampion. Një vit më vonë, ai u bashkua me Malishevën në Ligën e Parë, ku u bë kampion i Ligës së Parë me këtë skuadër.

Paraqitjet fantastike me Malishevën kishin bërë që kryesia e Ballkanit ta transferonin atë në sezonin 2021/22 dhe sërish Rrahmani u bë kampion, por tani kampion i Superligës. Sukseset nuk u ndalën asnjëherë dhe Rrahmani u paraqit në ndeshjet e Ballkanit në Evropë. Ai në Uefa Conference League shënoi 7 gola në vetëm 6 ndeshje, duke e dërguar kështu Ballkanin në grupet e Ligës së Konferencës.

Rrahmani sërish ka mundësi ta tregojë veten në ndeshjet e Ballkanit në grupet e Conference League dhe padyshim që së shpejti Rrahmani do të transferohet në ndonjë klub evropian./PodujevaSot