Tre të lënduar si pasojë e aksidentit të rëndë në Fushë Kosovë
Tre persona kanë mbetur të lënduar si pasojë e një aksidenti të rëndë që ka ndodhur sot në Fushë – Kosovë, raporton Gazeta Sinjali.
Aksidenti ka ndodhur rreth orës 12:40, ku janë janë përfshirë katër vetura.
Lajmin për Sinjalin e kanë konfirmuar edhe nga Policia e Kosovës.
“Sot rreth orës 12:40 kemi pranuar informatën se në rrugën Fushë Kosovë- Prishtinë, ka ndodhur një aksident trafiku.Në këtë aksident kanë qenë të përfshira katër automjete. Si pasojë e aksidentit lëndime trupore kanë pësuar tre persona. Me rastin po merret njësiti i trafikut rrugor”, ka thënë zëdhënësja e Policisë për rajonin e Prishtinës, Flora Ahmeti.
