Mehmetaj largohet nga Albanian Post

Gazetari Lirim Mehmetaj ka bërë të ditur se nga sot nuk do të jetë më pjesë e portalit “Albanian Post” në të cilin mbante pozitën e kryeredaktorit.

Nëpërmjet një njoftimi në Facebook, Mehmetaj tha se nuk do të ketë angazhim në ndonjë funksion tjetër brenda AP-së.

Me zgjedhjet në horizont, gazetari Mehmetaj siguroi se largimi i tij nga mediumi në këtë kohë nuk lidhet me ndonjë ndryshim profesioni.

“Meqë ky largim ngjan në kohë fushate zgjedhore, nxitoj ta them se unë do të vazhdoj të merrem me gazetari dhe as që e kam ndërmend të bëhem pjesë e ndonjë partie politike në kurrfarë forme.” – tha Mehmetaj.

“Derisa ta gjej këtë mundësi të formalizmit të platformës që ëndërroj, do t’ua çaj kokën këtu në Facebook dhe kohë pas kohe në Debat Plus.” – njoftoi më tej Mehmetaj.