Aksident trafiku, vetura godet dy këmbësorë
Një aksident trafiku ka ndodhur sot në rrugën “Hajdin Berisha” në Suharekë, ku një veturë ka goditur dy këmbësorë.
Sipas informacioneve të para, të lënduarit janë dërguar menjëherë në Emergjencën e Suharekës për të marrë ndihmën e nevojshme mjekësore, teksa gjendja e tyre shëndetësore nuk dihet ende.
Në vendin e ngjarjes kanë dalë njësitë e Policisë së Kosovës, konkretisht Njësia Rajonale e Trafikut në Prizren, për të kryer veprimet e nevojshme hetimore dhe për të zbuluar shkaqet e aksidentit.
Rastin e ka konfirmuar edhe zëdhënësi i Policisë së Kosovës për rajonin e Prizrenit, Shaqir Bytyqi.
“Sot rreth orës 19:00 është raportuar për një aksident trafiku në rrugën “Hajdin Berisha” në Suharekë. Raportohet se një veturë ka goditur dy këmbësor. Të lënduarit janë dërguar në Emergjencen e Suharekës ndërsa me rastin e aksidenti është marr policia, konkretisht Njësia Rajonale e Trafikut në Prizren”, tha ajo.
