The;rje me thikë, humb jetën 14 vjeçari pranë shkollës Fan Noli

Tre adoleshentë janë zënë me thika pranë shkollës “Fan Noli” në Tiranë.

Mësohet se ata janë nxënës të kësaj shkolle, ndërsa ende nuk dihet arsyeja e sherrit mes tyre.

Sipas informacioneve, 14-vjeçari, i cili ishte në gjendje të rëndë ka ndërruar jetë në spital, ndërsa tjetri ndodhet në spital në kujdesin e mjekëve.

Adoleshenti i tretë është shoqëruar në polici, ndërsa grupi hetimor po vijon punën për sqarimin e rrethanave të sherrit.

“Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç. Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve. Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit”, sipas njoftimit të policisë.