Vajzat e Gjimnazit në vendin e parë në gara komunale në futsall

Janë organizuar garat komunale në futsall në Komunën e Podujevës.

Ekipi i vajzave të Gjimnazit ‘Aleksandër Xhuvani’ kanë dalë në vendin e parë.

Për këtë gjë kanë njoftuar faqja zyrtare e Gjimnazit me anë të një postimi në facebook.

Më poshtë postimi:

Garat komunale në futsall të organizuara nga Shoqata e Arsimtarëve Sportiv në Podujevë përfunduan me rezultate të shkëlqyera për shkollën tonë!

Me shumë përkushtim dhe lojë të bukur, ekipi i vajzave tona arriti të fitojë vendin e parë dhe tani do ta përfaqësojë komunën tonë në garat rajonale! ⚽.
Vlen të theksohet që ky është viti i pestë radhazi që vajzat arrijnë të triumfojnë në nivel komunal dhe presim që edhe këtë vit të shpallen fitues të garave republikane. Ju urojmë suksese dhe besojmë plotësisht në talentin tuaj!

Ndërkohë, ekipi i djemve gjithashtu bëri një paraqitje te mire duke u renditur në vendin e dytë në nivel komunal.

Urime të gjithë nxënësve dhe mësimdhënësve që i sollën këto rezultate të mrekullueshme shkollës sonë.