E dhimbshme: Shoferja që u vetaksidentua tragjikisht sot është e moshës së re
Një aksident me fatalitet ka ndodhur mëngjesin e sotëm në rrugën magjistrale Kaçanik – Hani i Elezit, ku për pasojë një grua humbi jetën. Viktima u vetaksidentua pasi humbi kontrollin dhe ra në humnerë për disa metra, raporton Gazeta Sinjali.
Viktima humbi jetën në vendin e ngjarjes, ku edhe u konstatua vdekja nga ekipi mjekësor.
Sinjali ka mësuar se Policia s’ka gjetur asnjë dokument identifikimi në vendin e ngjarjes, por që sipas informacioneve të para, viktima është e moshës së re, rreth të 30-ave.
“Ju njoftojmë se me datën 29.11.2024 rreth orës 07:30 kemi pranuar një informatë se në rrugën magjistrale Kaçanik-Hani Elezit, tek vendi i quajtur “Kulla me qeshmë” , ka ndodhur një aksident komunikacioni rrugor, ku është përfshirë një veturë. Ekipe të policisë, zjarrëfikësit dhe ambulanca kanë dalë menjëherë në vendin e ngjarjes. Nga hetimet e para mësohet se një veturë Nissan, derisa ka qarkulluar në magjistralen Kaçanik – Hani Elezit, në rrethana ende të pasqaruara ka humbur kontrollin mbi automjet dhe ka dalë jashtë rrugës, duke rënë në humnerë disa metra.
Si pasojë e këtij aksidenti një person e gjinisë femër, e moshës madhore ka humbur jetën, vdekja e së cilës është konstatuar nga mjekët në vendin e ngjarjes.
