Haki Abazi kandidat i AAK-së për deputet

Kryetari i AAK-së, Ramush Haradinaj dhe deputeti Haki Abazi kanë mbajtur sot një konferencë për media.

Ata së bashku kanë njoftuar kandidaturën e Abazit për deputet, në zgjedhjet e 9 shkurtit.

‘’Sot ne i urojmë mirëseardhjen Hakiut në AAK-në, në listën për Deputet të Parlamentit të Kosovës, në zgjedhjet e 9 shkurtit dhe po ashtu i dëshirojmë mirëseardhje në angazhimet tona të përbashkëta për ta fuqizuar Kosovën, dhe për ta kthyer shpresën e qytetarëve të Kosovës.’’ Tha Haradinaj

Kurse deputeti Abazi tregoj arsyejen pse ka zgjedhur të jetë kandidat për deputet nga AAK-ja, ai tha se kjo parti ka planin dhe vizionin më të qartë për të mirën e qytetarëve të Kosovës dhe antarsimin në NATO.

‘’Faleminderit shumë kryetar Haradinaj për mikpritjen. Si deputet në këtë mandat të plotë, gjithçka qe ka qenë në interes të Kosovës ka qenë pjese e diskutimit tonë qoftë me kryetarin Haradinaj, qoftë me SHGP, Besnik Tahirin. Mendoj se AAK ka vizionin me të qartë, planin më të qartë, hapat e sigurtë të depërtimin në anëtarësimin në NATO.’’

‘’Çdokush e ka hapësirën e mundësinë e vet që të bëjë të mirën për vendin, unë këtë e kam gjetur tek zotëri Haradinaj’’, tha Abazi