Detajet nga aksidenti që ndodhi sonte
Një aksident trafiku ka ndodhur mbrëmjen e së dielës në magjistralen Pejë-Prishtinë, afër Sllatinës.
Lajmin e ka konfirmuar zëdhënësi i policisë, Daut Hoxha.
“Ndihmë mjekësore ka kërkuar vetëm drejtuesi i njërës veturë, dhe sipas mjekut në vendngjarje natyra e lëndimeve është e lehtë”, tha ai duke shtuar se ngjarja ka ndodhur rreth orës 20:15.
Hoxha mes tjerash tregoi se njësitet policore kanë reaguar në vendin e aksidentit, dhe se po zhvillojnë hetime lidhur me shkakun e tij.
Ai apeloi që në këto kohë të ndryshimeve atmosferike të respektohen shenjat e kufizimit të shpejtësisë, dhe se vozitja të përshtatet me kushtet e rrugës.
