Lista Familja nuk dëshiron koalicion me Gëzim Kelmendin

Para disa ditësh kryetari i Partisë Fjala, Gëzim Kelmendi, bëri ofertë publike për koalicion me Listën Familja e cila udhëhiqet nga Eman Rrahmani.

Por, koalicioni mes Familjes dhe Fjalës nuk do të ndodhë.

Sipas Kelmendit, Lista Familja ka kërkuar që Gëzim Kelmendi mos të kandidojë fare për deputet.

Më poshtë postimi i tij:

“Lista FAMILJA” nuk më dëshiron mua Gëzim Kelmendin në koalicionin e saj!

Të dashur qytetarë,

E ndjej obligim të ju përgjigjem pasi kam
marrë shumë pyetje nga ana juaj.

Ashtu siç jeni informuar, para 8 ditëve ne Partia FJALA ia kemi dërguar ftesën për bashkim Listës
FAMILJA.
Dhe në fundjavën që kaloi jam takuar me deputetin Eman Rrahmanin.

Dhe me bindje të plotë kam shpresuar se takimi ynë do të jetë fillimi i një rrugëtimi drejtë një bashkimi të fuqishëm i cili do ta ndryshoi mozaikun politik të Kosovës.

Por a mund ta besoni se cila ishte përgjigja e deputetit Eman Rrahmanit lidhur me ofertën e Partisë FJALA?!

Është një përgjigje fyese, nënçmuese, degraduese dhe me tendencë linçuese për FJALËN në përgjithësi dhe Gëzim Kelmendin në veçanti!

Kjo është përgjigja e tij:

Ne “Lista FAMILJA” nuk vijmë në Partinë FJALA.

Por munden vetëm 5 kandidat të FJALËS me ardhë në “Listen FAMILJA”.

Por Gëzim Kelmendi nuk bën me ardhë. Gëzim Kelmendin nuk e pranojmë dhe ai nuk duhet me kandidu fare për deputet.

Arsyet pse ata nuk po më dëshirojnë mua Gëzim Kelmendin janë përshkak të dekarimeve të mia për Skënderbeun në vitin 2013.
Bile ata nuk janë ndalur te Skënderbeu, por e kanë cekur edhe Nënë Terezën.
Sa i përket Nënë Terezës ata kanë shpifur për mua, ngase unë kurrë nuk kam deklaruar diçka për Nënë Terezën.

Shtrohet pyetja: pse partive tjera parlamentare që më kanë ftuar për koalicion në të kaluarën, nuk iu pengoi qëndrimi im për Skënderbeun, por tani po i pengon “Listes FAMILJA?!

Kësaj thonë “ kur e mira kthehet me të keqe”.

Gëzim Kelmendi