22 vjeçari futet me një granatë dore në një restorant

Një granatë dore është gjetur të mërkurën në xhepin e xhaketës së një 22 vjeçari në një restorant në qendër në Prizren.

Lidhur me këtë zëdhënësi i Policisë për këtë rajon, Shaqir Bytyqi, ka njoftuar se lidhur me këtë rast, është arrestuar person i dyshuar.

“Me datën 04.12.2024 rreth orës 15:35 kemi marre informatën nga qendra komunikues se një dyshuari (mashkull /Shqiptar 22 vjeçar) ndodhet ne një restorant në qendër në Prizren dhe ne gjepin e xhaketës mbanë një mjet të dyshuar, që dyshohet të jetë granat dore. Patrulla policore menjëherë ju ka përgjigj rastit dhe ka arrit te arrestoj të dyshuarin dhe mjetin e dyshuar ta siguroj, në vendin e ngjarjes kanë dale të gjitha njësitet përkatëse policore të cilët i kanë ndërmarrë te gjitha veprimet e nevojshme”, ka deklaruar ai.

Po ashtu është bërë e ditur se lidhur me rastin janë informuar hetuesit Rajonal si dhe prokurori kujdestar, me urdhër të të cilit iniciohet rasti, gjithashtu është informuar edhe FSK –ja.