“Për të mirën e Kosovës”, Reshitaj tregon pse aderoi në Guxo

Ish-deputetja e Aleancës për Ardhmërinë e Kosovës, Albena Reshitaj ka aderuar në partinë “Guxo”.

Me anë të një statusi në llogarinë e saj në Facebook, Reshitaj ka thënë se po i bashkohet këtij subjekti politik për të mirën e Kosovës dhe qytetarëve te saj, transmeton IndeksOnline.

Njoftimi i saj i plotë:

Sot, me përkushtim dhe e vendosur për të vazhduar kontributin tim për vendin, ju njoftoj se po i bashkohem Partisë Guxo për të mirën e Kosovës dhe qytetarëve të saj.

Së bashku, do ta forcojmë Republikën e Kosovës dhe do të dëshmojmë se guximi ynë është forca që ndryshon historinë!

Nuk ka kthim prapa për Kosovën tonë që e duam.

Bashkë për drejtësi, barazi, zhvillim e dinjitet.

Faleminderit për pritjen e ngrohtë Kryetare Donika Gërvalla.

Na priftë e mbara.