Ja çfarë thuhet në akuzën e re drejtuar Thaçit
Ish-presidentit të Kosovës, Hashim Thaçit, sot i është shtuar në akuzë e re nga Zyra e Prokurorit të Specializuar të Hagës, e cila, sipas një Aktpadie të konfirmuar, ka të bëjë me pengim në drejtësi, raporton GazetaDemos.
Sipas njoftimit të ZPS-së, ndaj Thaçitjanë ngritur tre akuza për pengim të personave zyrtarë në kryerjen e detyrave zyrtare, tre akuza për shkelje të fshehtësisë së procedurës, dhe katër akuza për mosbindje ndaj gjykatës’
“Z. Thaçi ndodhej në Objektin e Paraburgimit të Dhomave të Specializuara të Kosovës kur iu dorëzua një fletë-arrestim dhe ndaj tij janë ngritur tri akuza për pengim të personave zyrtarë në kryerjen e detyrave zyrtare, tri akuza për shkelje të fshehtësisë së procedurës, dhe katër akuza për mosbindje ndaj gjykatës”, thuhet në njoftimin e ZPS-së.
Zyra e Prokurorit të Specializuar po ashtu ka bërë të ditur se Thaçi do të paraqitet para një gjykatësi të Procedurës Paraprake të Dhomave të Specializuara lidhur me akuzat për vepra penale shtesë të ngritura ndaj tij.
