Podujevë: 15 nxënës nga shkolla teknike punësohen në KEDS

IAAP “Fan S. Noli” nga Podujeva ka shënuar një sukses të jashtëzakonshëm këtë vit, duke dërguar numrin më të madh të nxënësve në nivel të Kosovës për të qenë pjesë e KEDS Academy.

Pas kalimit të suksesshëm të të gjitha fazave të testimit, plot 15 nxënës nga drejtimet Energjetikë dhe Instalues Elektrik janë pranuar në këtë program prestigjioz.

Ky rezultat i shkëlqyer është një dëshmi e përkushtimit të nxënësve dhe punës së palodhshme të profesorëve të shkollës.

Të gjithë nxënësit e pranuar do të kenë mundësinë të marrin kontrata pune nga kompania KEDS pas përfundimit me sukses të programit në KEDS Academy.

Drejtoria e shkollës ka uruar nxënësit dhe stafin mësimdhënës për këtë arritje të rëndësishme, duke shprehur krenarinë për përfaqësimin e shkollës në një nivel kaq të lartë.