Një zonë e Prishtinës mbetet pa ujë, kjo është arsyeja

Një zonë e Prishtinës ka mbetur përkohësisht pa ujë të pijshëm.

Bëhet fjalë për pjesën e banueshme nga tregu e deri te lagjja Kalabria (Emshir), shkruan IndeksOnline.

Sipas Kompanisë Rajonale të Ujësjellësit “Prishtina”, ndërprerja e furnizimit me ujë është bërë për shkak të dëmtimit të një gypi të ujit nga një operator i Komunës së Prishtinës.

“Për shkak të dëmtimit të një gypi të ujit nga një operator i Komunës së Prishtinës, pa ujë të pijshëm janë pjesa nga tregu deri te lagjja Kalabria në Prishtinë. Mbeteni te informuar!”, thuhet në njoftimin e KRU-së./IndeksOnline/