Kryetari Bulliqi fton qytetarët në takim publik

Kryetari i Komunës së Podujevës, Shpejtim Bulliqi, ka bërë thirrje për një takim publik me qytetarët.

Takimi do të mbahet me qëllim të diskutimit të çështjeve të rëndësishme që lidhen me zhvillimin e komunës dhe për të dëgjuar shqetësimet, sugjerimet apo propozimet e banorëve.

Më poshtë njoftimi i Komunës së Podujevës:

FTESË – Kryetari i Komunës mban takim publik me qytetarë

Njoftojmë qytetarët e Komunës së Podujevës se më 23 dhjetor 2024 (e hënë), në orën 10:00, në sallën e Kuvendit, Kryetari i Komunës së Podujevës, Shpejtim Bulliqi, do të mbajë takim publik me qytetarë.

Në takimin publik, Kryetari Bulliqi do të prezantojë projektet e realizuara në vitin 2024.

Ftohen qytetarët të marrin pjesë në takim, ku do të kenë mundësi të shtrojnë pyetje dhe japin sugjerime për çështje të ndryshme.

09.12.2024, Podujevë
Zyra për Marrëdhënie me Publikun dhe Informim