Shkurtohen orët e mësimit në Bradash për shkak të mungesës së drunjve për ngrohje

Shkolla fillore në fshatin Bradash të Podujevës është përballur me mungesë të drunjve për ngrohje, duke detyruar shkurtimin e orëve të mësimit.

Ky problem ka krijuar shqetësime si te nxënësit, ashtu edhe te prindërit, të cilët kërkojnë një zgjidhje të menjëhershme nga institucionet përgjegjëse. Deri më tani, Komuna e Podujevës nuk ka dhënë asnjë sqarim lidhur me këtë çështje, ndërsa problemet me ngrohjen në shkolla mbeten të përsëritura në disa zona.

Një situatë e ngjashme është raportuar edhe në SHFMU “Ali Hadri” në Obrançë, ku mungesa e peletit po krijon sfida për mbarëvajtjen e procesit mësimor.

Ndërhyrja e menjëhershme nga autoritetet lokale është e nevojshme për të siguruar ngrohjen dhe vijimin normal të mësimit në këto institucione arsimore.