United konfirmon se ndeshja me Sheriffin do të luhet të enjten

Manchester United ka konfirmuar se përballja e tyre në Europa League kundër Sheriffit do të zhvillohet të enjten, pavarësisht vdekjes së Mbretëreshës Elizabeth II.

United zhvilloi diskutime me autoritetet përkatëse dhe ka vendosur të luajë ndeshjen kundër palës moldave siç ishte planifikuar, ani se ndeshjet e futbollit britanik u anuluan pas vdekjes së Mbretëreshës.

Ndeshjet e futbollit në të gjithë Mbretërinë e Bashkuar u shtynë këtë fundjavë si një shfaqje respekti për monarken e ndjerë.

Lojtarët e Erik ten Hag do të kenë një javë të plotë për t’u përgatitur për përballjen, teksa kërkojnë të rikuperohen nga humbja 1-0 ndaj Real Sociedad në ndeshjen e tyre hapëse.

Pas kësaj ndeshje, ata do të përballen me Leeds në Old Trafford në Premier League, shkruan Goal, transmeton Klankosova.tv.