4 nga 8 policët e lënduar dërgohen në QKUK

Katër nga tetë policët të cilët u lënduan si pasojë e aksidentit që pësuan me autoblindë policore në fshatin Grabovc të Zveçanit do trajtohen në Qendrën Klinike Universitare të Kosovës, njofton ekskluzivisht “Mitropol”.

Kjo u konfirmua për “Mitropol” nga zëdhënësja e Spitalit të Mitrovicës, Nita Mustafa Hakaj.

“Katër nga tetë policët e lënduar për momentin do dërgohen në QKUK, dy prej tyre tashmë janë atje gjersa dy të tjerë po përgatiten për t’u dërguar.”, tha Mustafa Hakaj për “Mitropol”.

Arsyeja pse policët janë dërguar është si pasojë e frakturave të shumta që kanë pësuar, por që të gjithë ndodhen jashtë rrezikut për jetë, siç bëri të ditur Mustafa-Hakaj për Mitropol.