‘‘Kosova është ëndrra jonë’’, Lumiri me vajzën dhe Lumbardhin ‘lajmërohen’ nga kryeqyteti
Kryetari i Lidhjes Demokratike të Kosovës, Lumir Abdixhiku, ka ndarë disa fotografi nga momentet që i ka kaluar sot në qytetin e Prishtinës, duke thënë se kryeqyteti sonte jetonte e ishte me ambient të ngrohtë festiv, e me pamje evropiane, shkruan Gazeta Express.
Ai ka thënë edhe se, njerëzit po kërkojnë momente gëzimi e mirëqenie, me sa më pak mllef e sa më pak urrejtje.
Postimi i plotë:
Sheshet e Prishtinës edhe sonte ishin plot jetë!
Kaluam mbrëmjen në një ambient sa të ngrohtë festiv, aq dhe evropian në pamje. Kryeqyteti thjeshtë jetonte sonte! Jetonte si një vend i njerëzve që kërkojnë qetësi, kërkojnë momente gëzimi e mirëqenie! Kërkojnë jetë të mirë e të begatshme! Sa më pak mllef, sa më pak urrejtje, sa më pak negativitet e frikë!
Punët e mira tona, u japin qytetarëve këto momente! Prishtina i ka këto momente! Kosova, do t’i ketë këto momente!
Ky vend i bukur me njerëz e familje të shkëlqyeshme ka një tregim të bukur përpara. Ky tregim i pret veprimet tona. Do t’i ketë!
Kosova është vet ëndrra jonë! /GazetaExpress
