Hajnat n’aksion, 19 vjedhje për një javë
Siguria publike në Kosovë konsiderohet se po cenohet nga krime të natyrave të ndryshme, e sidomos nga vjedhjet, fenomen ky mjaft shqetësues, që po shkakton humbje e pasiguri te qytetarët dhe në plot biznese, raporton Gazeta Sinjali.
Plot raste të tilla kanë ndodhur brenda pak ditëve në rajonin e Ferizajt.
Nga Policia Rajonale kanë bërë me dije se për një javë, janë denoncuar 19 raste të vjedhjeve.
Prej tyre, 17 raste kanë ndodhur në Ferizaj, 1 në Kaçanik dhe 1 rast në Shtime.
Në shumicën e rasteve, hajnat ua mësyjnë shtëpive që mbesin pa përkujdesje, por edhe lokaleve të ndryshme, ku depërtojnë me forcë dhe vjedhin kryesisht para të gatshme, por edhe gjësende me vlerë.
