Mërgimtari Xhevdet Ajvazi dhuron një autobus për Komunën e Podujevës

Komuna e Podujevës sot ka pranuar donacion një autobus nga mërgimtari, Xhevdet Ajvazi.

Lajmi u bë i ditur nga kryetari Bulliqi me anë të një postimi në rrjetin social facebook.

Më poshtë postimi i tij:

Sot kemi pranuar një donacion të çmuar – një autobus të cilin e dhuroi bashkatdhetari ynë, z.Xhevdet Ajvazi, pronar i kompanisë “Flutura Reisen GMBH” nga Velberti i Gjermanisë.

Ky donacion do të përmirësojë shërbimet e transportit publik në Komunën tonë. Në pranimin e këtij donacioni të vlefshëm isha bashkë me drejtorin e Shërbimeve Publike, z.Bahri Selimi dhe menaxhmentin e Stacionit të Autobusëve.

E falënderojmë z.Ajvazi dhe Kompaninë e tij për autobusin e dhuruar për Komunën tonë. Ky donacion është shembull frymëzues edhe për të gjithë bashkatdhetarët tjerë që duan dhe mund të kontribojnë për atdhe.