Flutura: Fituam rastin kundër Big Brother, vendim historik i KPM-së

Komisioni i Pavarur i Mediave sot gjatë ditës ka gjobitur Klan Kosovën 30 mijë euro për shkak të emisionit, Big Brother VIP Kosova, emision në të cilin kishte gjuhë degraduese.

Lajmin për gjobitjen e Klan Kosovës e bëri të ditur jurista e medias, Flutura Kusari.

Ajo tha se ky është vendim historik. Më poshtë postimi i saj:

E fituam rastin kundër Big Brother dhe Klan Kosova!

30,000 euro gjobë për Klan Kosova që përmes Big Brother promovoi dhunë psikologjike ndaj një viktime të dhunës, lejoi gjuhë denigruese dhe lejoi përdorim të fjalorit vulgar pankodim për t’i mbrojtur fëmijët.

Ky është një vendim historik i KPM-së, bazuar në tetë ankesa, që tregon se në Kosovë nuk kalon promovimi i dhunës ndaj grave, denigrimi i komuniteteve dhe dëmtimi i fëmijëve përmes përmbajtjes televizive. ✅

Big Brother tani ka marrë epitetin e emisionit që promovon dhunën ndaj grave. A do të ndryshoj qasjen Klan Kosova apo do të vazhdoj avazin e njëjtë? ‍♀️

Bravo KPM! Ky është një hap i madh për shoqërinë tonë!

Modeli i Shqipërisë për rritje të shikueshmërisë përmes dhunës nuk kalon në Kosovë. Pikë. ✋

Vendimi do të publikohet në të ardhmen dhe nëse kam kohë e analizoj detajisht.

Ju falenderoj për vëmendje.

P.S për të interesuarit rreth bazës ligjore, KPM ka përdorë pikërisht nenin 3.1 të Kodit të Etikës në të cilën e kam bazu ankesën dhe poashtu edhe nenin 4 dhe 5 të Kodit.