Klima të Kinës që kalojnë shifrën e 50 milionëve në Kosovë

Kina është lider global për kondicionerë.

Ky shtet aktualisht prodhon afër 70% të kondicionerëve në botë. Duket se një përqindje e madhe e këtij produkti importohet me të madhe në Kosovë.

Në 6 muajt e parë të vitit 2024, në Kosovë janë importuar rreth kondicionerë, të cilat kapin vlerën prej 15 milionë e 200 mijë.

Mbi 14 milionë euro janë importuar vetëm nga Kina, derisa pjesa tjetër nga Tajlanda, Turqia, Japonia, Franca, Zvicra e shtetete të tjera të botës.

Krahasuar me vitet e kaluara, del se numri i distribuimit të klimave në Kosovë për çdo vit është në rritje.

Gjatë vitit 2023, janë inportuar rreth 32 milionë euro klima, derisa rreth 8 milionë më pak gjatë 2022-tës.

Mirëpo, sa kontrollohet ky mall i importuar në Kosovë? Ka dy muaj që Kiks Kosova ka kërkuar të marrë sqarime nga Ministria e Industrisë, Ndërmarrësisë dhe Tregtisë, lidhur me keqpërdorimet e mundshme nga kompanitë distribuuse dhe shitësit e kondicionerëve në Kosovë, por duket se MINT ka zgjedhur që gjatë muajve të verës të mos i përgjigjet thirrjeve të emisionit.

Ministrisë së Industrisë, Ndërmarrësisë dhe Tregtisë nuk i mjaftoi që prej 12 korrikut të përgjigjet në pyetjet tona lidhur me raportimet për keqpqrdorime me kondicionerë.

Kiksi është interesuar të dijë se në çfarë mënyre vërtetohen nëse specifikacionet e paraqitura në tiketë, përkojnë me përmbajtjen e klimave.

Po ashtu, jemi interesuar të dimë nëse inspektorati i tregut i ka inspektuar bizneset për të cilat është raportuar se pas subvencioneve nga ministria e Ekonomisë, i kanë rritur çmimet e klimave.

Por, deri më tani nuk kemi marrë asnjë informacion.