AGK dënon kërcënimin ndaj gazetarit Ilir Mirena
Asociacioni i Gazetarëve të Kosovës, është shprehur i alarmuar me kërcënimin me vrasje që gazetari Ilir Miren ka marrë sot.
AGK-ja tha se është thellësisht e shqetësuar me natyrën kërcënuese për jetë të mesazhit, teksa ka ftuar policinë që ta hetojë urgjentisht rastin.
“Ky kërcënim është vazhdimësi e të tjera kërcënimeve të ngjashme ndaj gazetarëve dhe aktivistëve në kohët e fundit”, thuhet në reagim.
Tutje, AGK ka ftuar Qeverinë e Kosovës dhe VV-në që sipas tyre, të mos nxisë, por të kontribuojë në zbutjen e diskursit të rënduar publik kundër gazetarëve dhe medieve në vend.
Postimi i plotë:
AGK-ja dënon kërcënimin me vrasje ndaj Ilir Mirenës
Mirena e ka postuar në Facebook një koment në të cilin një person i shkruan: “Ky veq plumin e ka hak e meriton”.
AGK-ja është thellësisht e shqetësuar me natyrën kërcënuese për jetë të mesazhit, dhe e fton Policinë e Kosovës që ta hetojë urgjentisht rastin.
Ky kërcënim është vazhdimësi e të tjera kërcënimeve të ngjashme ndaj gazetarëve dhe aktivistëve në kohët e fundit.
AGK-ja e fton sërish Qeverinë e Kosovës dhe partinë në pushtet, që të mos nxisë, por të kontribuojë në zbutjen e diskursit të rënduar publik kundër gazetarëve dhe mediave në Kosovë.
