LDK prezanton kandidatet për deputete

Lidhja Demokratike e Kosovës sot ka mbajtur ‘Turneun e Ndryshimit’ në Prishtinë.

Sonte kryetari i LDK-së, Lumir Abdixhiku ka prezantuar gratë të cilat kandidojnë për deputete.

Më poshtë postimi i LDK-së:

Qindra gra, motra e nëna të forta, u mblodhën në Prishtinë në “Turneun e Ndryshimit,” duke dëshmuar përkushtimin e palëkundur të LDK-së ndaj barazisë gjinore dhe rolit jetik të gruas në formësimin e së ardhmes së Kosovës.

Siç tha kryeministri i ardhshëm, Lumir Abdixhiku: “Si prind i dy vajzave, si bashkëshort i një gruaje, si djalë i një nëne, ju them këtu se sfida juaj është dhe sfidë e imja! Dhe në qoftë kjo është sfida e fundit e imja, do ta bëj me gjithë forcën që kam, përballë çdo pengese që kam, me gjithë kapitalin që kam! Prandaj, jam i lumtur që sot, brenda LDK-së kemi gra e zonja që nivelin e përfaqësimit politik, e kanë në standarde të paarritshme. Ato bëjnë vet politikën, bëjnë vet vendimmarrjen. Jam i lumtur po ashtu që në listën e ardhshme për deputetë të Kuvendit të Kosovës, në listën e fitores së madhe të 9 shkurtit, kemi plot 38 gra, që nesër do të përfaqësojnë shtetin me dinjitet, do të bëjnë politika të drejta, e do të shtyjnë kauza të domosdoshme. Sepse Republika jonë, është vet ëndrra jonë! Ndryshimi sot, është misioni ynë.”

Me mbi 50% kandidate gra në Prishtinë dhe përfaqësim të fuqishëm në të gjithë Kosovën, LDK fuqizon gratë si lidere dhe vendimmarrëse, duke vendosur standarde të reja në politikë dhe shoqëri. Ëndrrat dhe kauzat e grave janë vetë ndryshimi për të cilin luftojmë—sepse demokracia e vërtetë fillon me barazinë.

Zonja të dashura më 9 shkurt, e bëjmë ndryshimim së bashku!

#Lumir2025 #behundryshimi #lidhjademokratike