Interneti me shpejtësi të lartë Starlink, Elon Musk: Tani i disponueshëm edhe në Kosovë

Autoritetet në Kosovë njoftuan më 21 tetor se e kanë autorizuar kompaninë amerikane, Starlink, për ofrim të internetit satelitor në Kosovë.

Internet pa ndërprerje, në çdo cep të territorit, edhe në situata të jashtëzakonshme.

Këto janë vetëm disa të mira që përfiton Kosova nga shtrirja e shërbimeve të gjigantit amerikan Starlink në territorin e vet, përcjell Telegrafi.

Kjo u konfirmua edhe nga vetë Musk në X.

Ndryshe, vendosja e Kosovës në hartën e Starlink, njërës prej kompanive më novatore në botë, konsiderohet edhe si promovim i mirë për vendin.

Starlink është kompani që ofron internet satelitor në mbi 100 shtete dhe territore dhe zotërohet prej kompanisë hapësinore SpaceX.

Ndër tjera, ajo ka rreth 6000 satelitë të cilët gjenden rreth 500 kilometra mbi Tokë. /Telegrafi/

Podujeva Sot