Merdare: Gjendet armë në valixhen e një udhëtari

Dogana e Kosovës ka njoftuar se në pikën kufitare të Merdarës rreth orës 18:00 në një valixhe të një autobusi me targa vendore, janë selektuar disa valixhe të dyshimta.

Gjatë kontrollit në procesin e skanimit, është vërejtur se në njërën nga valixhet ndodhej një armë dhe 50 copë fishekë.

Pas verifikimeve të mëtejshme, është konstatuar dhe gjetur pronari i valixhes.

Arma dhe fishekët janë konfiskuar menjëherë dhe janë dorëzuar pranë Policisë Kufitare për procedura të mëtejshme ligjore. Policia e Kosovës ka marrë përsipër trajtimin dhe hetimin e këtij rasti, në përputhje me ligjet në fuqi.

Ftojmë qytetarët të bashkëpunojnë me organet kompetente dhe të raportojnë çdo veprim të dyshimtë, në mënyrë që të kontribuojmë së bashku për një mjedis më të sigurt.