Memli Krasniqi flet për hitin ‘’Simpatia’’, thotë se Edona Llalloshi ia huqi partisë! (VIDEO)

Kryetari i PDK-së, Memli Krasniqi ka komentuar përfshirjen e këngëtares Edona Llalloshi në politikë, duke pohuar se i sheh me simpati angazhimet e figurave publike nga sferat tjera, në këtë fushë.

Megjithatë, bashkëpunëtorja e tij artistike e hitit ”Simpatia”, për Memli Krasniqin, ka gabuar në përzgjedhjen e saj partiake, transmeton klankosova.tv.

”Unë i shoh me simpati angazhimin në politikë të figurave publike që vijnë nga sferat tjera”.

”Te rasti i Edonës, mendoj që ia ka huq partisë, po ça me bo”.

Ora 7: Pse? – është dashtë me shku te ‘Simpatia’ [PDK]?

”Jo, domosdoshmërisht, por mendoj që unë kur kam hy në politikë kam hy në kohën kur PDK ka qenë opozitë dhe kjo punë i ka 20 vjet dhe mendoj që angazhimi në politikë është shumë më i mirë kur njerëzit e fushave të ndryshme i ofrohen ndryshimit”.

”Kur i ofrohen partive që vërtetë e kalojnë njëfarë procesi të ndryshimeve dhe që kanë çka me ofru ma shumë se sa këtë çka po e shohim sot”.