Gjetjet e INPO: Ministri Aliu anuloi më së shumti tenderë (VIDEO)

Organizata Iniciativa për Progres të martën doli me raportin e aktiviteteve të prokurimit të Qeverisë së Kosovës.

Sipas kësaj organizate, Ministria e Infrastrukturës e udhëhequr nga Liburn Aliu, ka shënuar nivelin më të lartë të dështimeve në aktivitete të anuluara, me 60 për qind, raporton Klan Kosova.

Arbër Kabashi, hulumtues në INPO, tha se numri më i madh shprehet te Ministria Infrastrukturës, pastaj MKRS me 51.5 për qind, MAShT-i me 50 për qind, MPB-ja me 44 për qind dhe Ministria e Bujqësisë me 33.3 për qind.

Sipas këtij raporti, vlera financiare e aktiviteteve të anuluara është mbi 13 milionë euro buxhet, ku kryeson Ministria e Arsimit me mbi 5 milionë euro.

E për këtë çështje, ministrja Arbërie Nagavci iu shmang pyetjes së gazetarëve duke u përgjigjur shkurt: “Nuk e di, nuk kam kohë”. /Klankosova.tv