Dyshohet se një veturë ka rënë në Badoc, një i lënduar

Sonte, në orët e vona, ka ndodhur një aksident në devijimin e rrugës afër Liqenit të Badocit, ku dyshohet se është përfshirë një veturë dhe është lënduar një person.

Për Shënjestër, rastin e ka konfirmuar Flora Ahmeti, zëdhënëse për media në Policinë e Kosovës në Prishtinë, e cila ka thënë se aksidenti ka ndodhur rreth orës 21:00.

“Sot rreth orës 21:00, në rrugën Prishtinë-Gjilan, ka ndodhur një aksident trafiku, ku ka qenë i përfshirë një automjet. Si pasojë e aksidentit, lëndime trupore ka pësuar një person. Me rastin po merren hetuesit nga njësiti i trafikut,” tha Ahmeti.