Aksidenti i autobusit: 22 persona morën trajtim në QKUK

22 të lënduarit nga aksidenti me autobus në magjistralen Prishtinë-Pejë, kanë marrë trajtim në Klinikën Emergjente në QKUK.

Kështu ka bërë të ditur për Tëvë1 drejtori i kësaj klinike, Naser Syla, i cili tha se të të njëjtit pas trajtimit janë liruar për në shtëpi.

Tutje, ai tha se të njëjtit nuk kanë pasur lëndime të rënda dhe nuk ka pasur nevoje që të trajtohen tutje për në ndonjë klinike.

“22 qytetarë kanë marrë trajtim në Klinikën Emergjente në QKUK. Gjendja e tyre është stabile dhe pas ekzaminimeve, të njëjtit janë liruar për në shtëpi. Nuk kanë pasur lëndime shumë të rënda që të trajtohen në klinika tjera”, ka thënë Syla.