Krasniqi: Pjesëtari i Njësisë Speciale më tha se u detyrua t’i blejë vetë teshat e policisë

Deputetja e LDK-së, Rrezarta Krasniqi, ka treguar një bisedë që e ka pasur me një pjesëtar të Njësisë Speciale të Kosovës dy ditë më parë.

Krasniqi tha se polici u ankua se i ka blerë me para vetanake rrobat për punë në vlerë prej 200 eurove.

“A po fryhen që kanë 4 miliardë buxhet për vit, kurrgjë s’kanë bë. Para dy ditëve kam ndenjur me një polic, teshat tha se është detyruar t’i blejë vetë, 200 euro. Njësi Speciale është dhe rrinë 12 orë në pjesën veriore”.

“Shumicën e policëve të Vushtrrisë dhe Mitrovicës i le më së shumti atje, a nuk është gjynah për ta. Nuk guxojnë të flasin sepse janë të kërcënuar”, tha ajo në “DPT te Fidani” në Klan Kosova.

Më tej, ajo tha se shumë njerëz kanë dhënë dorëheqje nga punët e tyre në Kosovë dhe kanë migruar në Evropë si shkak i kushteve të rënda financiare.

“Sa njeriu ka jep dorëheqje dhe kanë shkuar në Evropë sepse s’kanë mundur t’ia dalin. Nuk jetohet me një rrogë 600 euro dhe t’i blejë 200 euro teshat e veta”, tha ajo.