Jehona: Implementimi i mësimit tërëditor në gjysmëvjetorin e parë u mbyll me sukses

Sot në Komunën e Prishtinës është mbajtur mbledhja për të arriturat e shkollave të Prishtinës gjatë gjysmëvjetorit të parë.

Drejtoresha e Arsimit në Prishtinë, Jehona Lushaku Sadriu me anë të një postimi ka thënë që implementimi i mësimit tërëditor në gjysmëvjetorin e parë u mbyll me sukses.

Më poshtë postimi i saj:

Sot bashkë me kryetarin Perparim Rama u takuam me drejtorët e shkollave në kryeqytet dhe bashkërisht bëmë një përmbledhje të të arriturave të gjysmëvjetorit të parë.

Gjysmëvjetori i parë – që ishte edhe implementimi i mësimit tërëditor në Prishtinë – u mbyll me sukses, duke shënuar arritje të dukshme në nivelin e përkushtimit të nxënësve dhe mësimdhënësve.

Për gjysmëvjetorin e dytë, kemi planifikuar aktivitete që promovojnë kreativitetin dhe përmirësimin e cilësisë së arsimit, ndërkohë që përqendrohemi në mbështetjen e vazhdueshme të nxënësve dhe stafit shkollor.

Përkushtimi ynë është që, pavarësisht rrethanave, nxënësit të mos privohen nga e drejta e tyre për arsimim cilësor.
Kryeqyteti Prishtina