Halil Kastrati shpallet QYTETAR NDERI i Podujevës
Sot është mbajtur seanca solemne për t’ia ndarë titullin QYTETAR NDERI i Komunës së Podujevës, Halil Kastratit, i cili i ka ndihmuar dhe po ndihmon përmes shoqatës “Jetimat e Ballkanit” shumë familje në Komunën e Podujevës.
Për këtë ngjarje të rëndësishme ka shkruar edhe kryetari i Podujevës, Shpejtim Bulliqi në rrjetin social facebook.
“Nga shoqata bëmirëse “Jetimat e Ballkanit” në Podujevë janë ndërtuar 80 shtëpi të reja për familjet skamnore, ku 48 prej tyre janë në bashkëfinancim me Komunën e Podujevës, ndërsa pjesa tjetër me vet-iniciativë të shoqatës, janë shpërndarë mbi 2500 pako me produkte ushqimore e higjienike, 10 persona janë ndihmuar për shërim jashtë shtetit, e janë ndarë dhjetëra bursa për fëmijë jetim dhe studentë me gjendje të rëndë ekonomike”, ka thënë kryetari Bulliqi.
