Hoxhë Fatmir Latifaj pajton familjen që ishin në hasmëri qe 17 vjet

Në një akt të rrallë pajtimi që i kthen vëmendjen te vlerat më të larta të traditës shqiptare, Eshref Isufi ka vendosur të falë komshiun e tij, i cili e plagosi 17 vite më parë.

Ngjarja ndodhi në restorantin “Mitro” në Shipol, ku një ceremoni e veçantë u mbajt për të shënuar këtë moment historik.

Falë ndërhyrjes së ndërmjetësit Hoxha Fatmir Latifaj, një figurë e njohur për përpjekjet e tij në pajtimin e gjaqeve dhe konflikteve në Kosovë, Isufi ka vendosur të hedhë pas krahëve të shkuarën. Latifaj arriti të krijojë një atmosferë dialogu dhe mirëkuptimi, duke i bindur palët që të pajtohen dhe t’i japin fund hasmërisë.

Kjo ngjarje frymëzuese është një kujtesë e fuqisë së faljes dhe e rëndësisë së ruajtjes së traditës së pajtimit, një vlerë e rrënjosur thellë në kulturën shqiptare.