Aksident i rëndë me të lënduar

Një aksident i rëndë trafiku ka ndodhur sot në fshatin Shirokë të Suharekës, ku janë përplasur dy automjete, një Volkswagen Polo me targa të Kosovës dhe një Mercedes me targa të Gjermanisë.

Sipas informatave fillestare të siguruara nga Telegrafi, ka persona të lënduar si pasojë e këtij aksidenti dhe janë dërguar në Spitalin Rajonal të Prizrenit për trajtim mjekësor.

Në vendin e ngjarjes kanë mbërritur menjëherë njësitë e Policisë së Kosovës për të hetuar rrethanat e aksidentit dhe për të siguruar normalizimin e trafikut në zonë.

Policia ka nisur hetimet për të sqaruar detajet e incidentit, derisa Telegrafi është në pritje të rasportit zyrtar./Telegrafi/