Podujeva do të bëhet me shërbim të Hemodializës dhe shërbime specialistike

Ministri i Shëndetësisë, Arben Vitia ka njoftuar që Podujeva së shpejti do të bëhet me shërbim të Hemodializës dhe shërbime specialistike.

Më poshtë postimi i Vitisë:

Podujeva shumë shpejtë po bëhet me shërbim të Hemodializës dhe shërbime specialistike.

✍ Kam nënshkruar kontratën për paisjen me aparatura për Hemodializë dhe aparatura tjera për shërbime specialistike.

Investim prej rreth 2 milionë euro nga Ministria e Shëndetësisë për Repartin e Hemodializës dhe Poliklinikën Specialistike në Podujevë.

✅ Pacientëve të Podujevës dhe rajonit të Llapit, për herë të parë, do ju ofrohet shërbimi i hemodializës në qytetin e tyre, duke shmangur rrugëtimin e lodhshëm drejt Prishtinës.

Poliklinika e re sjell specialistë që do të punojnë aty, duke ofruar shërbime të specializuara për të gjithë rajonin e Llapit, pa pasur nevojë të udhëtojnë në Prishtinë për çdo vizitë specialistike.

Falënderojmë Komunën e Podujevës për bashkëpunimin e përkushtimin!

❤️ Stafit shëndetësor i urojmë punë të mbarë, e pacientëve shëndet dhe trajtim të suksesshëm!