Viti i Ri i gjen disa pjesë të Kosovës në terr

Disa pjesë të Republikës së Kosovës, ndërrimin e moteve po e presin në terr, si shkak i ndërprerjes së energjisë elektrike, raporton GazetaDemos.

Siç njoftuan lexuesit e Demos, disa fshatra të Pejës, Istogut e Lipjanit tash e disa orë janë pa energji elektrike.

Sa i përket një pjese të fshatrave të Komunës së Istogut, nga KEDS thanë se ndërpreja e rrymës është si pasojë e një prishjeje.

“Largpërçuesi Gurrakoci 35kV aktualisht është jashtë funksionit, shkaku i një prishjeje, duke afektuar një numër të caktuar të konsumatorëve të Istogut dhe disa fshatrave përreth. Ekipet e KEDS-it ndodhen në terren për të eliminuar prishjen dhe besojmë shumë shpejt do të kthehet në funksion”, thanë nga KEDS.

Teksa nga disa fshatra të Malishevës, për Demosin një lexues tha se energjia elektrike momentalisht është goxha e dobët, dhe me mezi përçuese.