Kryetari Bulliqi viziton institucionet në Podujevë

Në ditën e fundit të vitit 2024, Kryetari i Podujevës, Shpejtim Bulliqi së bashku me kandidatë për deputetë dhe drejtorë komunal kanë vizituar institucionet në Podujevë.

Lajmin e ka bërë të ditur vetë Bulliqi me anë të një postimi në facebook.

Më poshtë postimi i tij:

Sonte në natën e ndërrimit të moteve, së bashku me komandantin e Stacionit Policor në Podujevë, kandidatë për deputetë dhe drejtorë komunalë vizituam institucionet në Podujevë për të shprehur mirënjohjen tonë ndaj atyre që në këtë natë festive janë në shërbim të qytetarëve.

Gjatë vizitës në Urgjencë, QKMF, Stacionin Policor, Pikën Kufitare në Merdar dhe Brigadën e Zjarrfikësve, u uruam festën e Vitit të Ri dhe falënderuam ekipet për angazhimin dhe përkushtimin e tyre, që sigurojnë shëndetin, rendin dhe sigurinë e qytetarëve tanë.

Mirënjohje për secilin që sonte, larg familjeve të tyre, kujdeset për sigurinë tonë!