Ky është personi që u aksidentua për vdekje (FOTO)

Një aksident me fatalitet u regjistruar ditën e djeshme në rrugën Lipjan-Shtime, ku një person humbi jetën teksa një tjetër u lëndua pas përplasjes së tre automjeteve mes vete.

Sipas policisë, ngjarja ndodhi rreth orës 12:45, teksa në aksident u përfshinë një kamion dhe dy vetura.

“Si pasojë e aksidentit, një person ka humbur jetën ndërkaq për shkak të lëndimeve të marra nga aksidenti një person është dërguar në QKUK për trajtimin e nevojshëm mjekësor. Për shkak të aksidentit janë krijuar vështirësi qarkullimi në segmentin rrugor Lipjan-Shtime-Topliqan – Bujan”, tha Agron Borovci, zëdhënës i policisë.

Personi që humbi tragjikisht jetën në këtë aksident është Hanor Prapashtica.

Kështu ka bërë të ditur familjarja e tij, Qendresa Prapashtica përmes një postimi në Facebook

“Dje me datën 04 janar 2025 ndrroi jetë më i dashuri ynë Hanor (Naser) Prapashtica si pasojë e një aksidenti tragjik rrugor. I përjetshëm qoftë kujtimi i tij”, ka shkruar ajo.