Podujevë: Dobërdoli do të bëhet me shkollë të re
Kryetari i Podujevës, Shpejtim Bulliqi ka njoftuar për procedurat për ndërtimin e dy shkollave në Komunën e Podujevës.
Bëhet fjalë për ndërtimin e shkollës në Bradash dhe Dobërdol.
Më poshtë postimi i Komunës së Podujevës:
Inicohen procedurat për dy projekte shkollore në vlerë 1.1 milionë euro
Komuna e Podujevës ka nisur procedurat e prokurimit për ndërtimin e dy shkollave të reja, ShFMU “Nuhi Gashi” në Bradash dhe ShFMU “Jetullah Gashi” në Dobërdol.
Kryetari i Komunës, Shpejtim Bulliqi u shpreh i lumtur që edhe këto dy fshatra po bëhen me objekte të reja shkollore.
“Këto investime janë pjesë e angazhimit tonë për të përmirësuar infrastrukturën arsimore, duke ofruar ambiente moderne dhe kushte më të mira për zhvillimin e procesit mësimor për nxënësit e mësimdhënësit tanë”, tha kryetari Bulliqi.
Vlera e parashikuar e këtyre projekteve është 550 mijë euro për secilën.
