Kurti: Rrahman Jasharaj më tha ndihmom si vëlla

Kryeministri i Kosovës, Albin Kurti pas takimit me Këshillin Grevist ka folur në një konferencë për medie.

Shefi i ekzekutivit ka dhënë disa detaje nga ky takim. Ndër të tjera, Kurti  ka thënë se kryetari i SBASHK-ut, Rrahman Jasharaj i ka kërkuar ta ndihmoj si vëlla.

“Si vëlla të ndihmoj privatësisht, jo si kryeministër, Kryeministri nuk bën pazare”, ka thënë Kurti. Më tutje, ai ka thënë se nuk është në pyetje arsimi, por se gjatë ditëve në vijim do të merret vesh gjithçka.

“Një sindikatë që i kërkon 100 euro dhe i ka marrë 50 euro, organizon festë, nuk vazhdon grevë. Në ditët e javët në vijim do ta marrim vesh se çka është në pyetje.

Nuk është në pyetje arsimi, nuk janë në pyetje arsimtarët. Tha do të konsultohem me anëtarësinë dhe doli para juve”, u shpreh Kurti.