Kurti në Pejë prezanton të arriturat e Qeverisë

Sonte në Pejë, Kryeministri i Kosovës, Albin Kurti së bashku me ministra kanë prezantuar të arriturat e Qeverisë për këto 4 vjet.

Më poshtë postimi i Kurtit:

Nga veriu dje e në perëndim sot. Në Pejë, Republika e Kosovës. Në qytetin e sportit, të pasur me kulturë e histori, qytetin e aventurave natyrore e malore e kryeqendrën e Dukagjinit.

Atje ishim për të prezantuar progresin në ekonomi, infrastrukturë, mbrojtje, bujqësi, ndërmarrësi e industri, drejtësi, diplomaci dhe shëndetësi që nisi me zotimet tona e besimin e qytetarëve dhe u jetësua me qeverisjen e mirë katër vjeçare.

Sonte ishim në Kinoteatrin “Jusuf Gërvalla”, që do të rinovohet tërësisht deri në fund të vitit, kurse në Pejë takohemi përsëri, më 13 janar në Sallën e Sporteve “Karagaç”. Ju falemnderit e mirupafshim sot një javë.