Kurti: Me 9 shkurt llapjanët do të jenë prijës në rrugën tonë përpara drejt fitoreve të reja

Kryeminitri i Kosovës, Albin Kurti, ka qenë sonte në Podujevë për tubim me llapjanë.

Më poshtë postimi i tij:

Sonte në Podujevë për të prezantuar progresin e Republikës në diplomaci e imazh ndërkombëtar, siguri e sundim të ligjit, mbrojtje e ushtri, ndërmarrësi e tregëti, bujqësi e prodhim.

Llapjanët kanë qenë lajmëtarët e ndryshimit të 14 shkurtit të vitit 2021. Më 9 shkurt ata do të jenë prijës në rrugën tonë përpara drejt fitoreve të reja, punëve të mira, qeverisjes së drejtë dhe shërbimit ndaj qytetarëve.

Në Llap takohemi përsëri më 15 janar. Ju falemnderit, e mirupafshim sot një javë.