Llapi rikthen në skuadër portierin kroat
Llapi e ka bërë transferimin e parë të janarit.
Skuadra nga Podujeva e ka rikthyer portierin kroat, Marijan Coric, shkruan IndeksOnline.
Ai ka nënshkruar kontratë një vjeçare e gjysmë me Llapin.
”Coric ka mbyllur kontratën me ekipin kroat, NK Istra 1961, për t’u bashkuar me Llapin, që para dy sezonesh e ndihmoi në fitimin e Kupës së Kosovës dy herë radhazi dhe një herë Superkupën.
Pas Kupës së dytë të fituar, Coric u largua si kampion dhe la vend për rikthimin e tij, duke qenë një nga futbollistët më të dashur të publikut llapjan. Tashmë, ai kthehet sërish me të njëjtin mision për të çuar ekipin drejt suksesit, plasmanit në Evropë.”, thuhet në njoftimin e Llapit./IndeksOnline/
