Plani i dështuar: Kush nxiti fëmijët ta takojnë Kurtin? (VIDEO)

Ftesa për takim me kryeministrin, që iu shkoi nxënësve të shkollave të mesme në Ferizaj, qe pa sukses meqë edhe ata që shpërndanë kërkesën u bënë pishman.

E mitura thotë se mesazhin që e mori nga kryetari i saj, e shpërndanë edhe tjerë në shkollat e mesme, derisa tash ua bënë thirrjen e kundërt bashkëmoshatarëve, raporton Klan Kosova.

Masat që nxënësit të mos lëshojnë orët u morën, derisa krejt plani ishte që takimi të mbahej në 18:30, pra brenda orarit mësimor.

Mundësia e përdorimit të nxënësve për fushatë alarmoi edhe Drejtorinë e Arsimit, ku me mëngjes u mbajt një mbledhje e u paralajmëruan masa.

Veçse gjithë kjo thirrje për takim me Albin Kurtin, në Lëvizjen Vetëvendosje thonë se s’ka hiç të bëjë me ta, e madje u bë për t’i dëmtuar.

VV-ja thotë se nuk do pranojnë të mitur në takimin me të rinjtë, derisa njëjtë thotë se do të veprojë edhe pronari lokalit ku mbahet takimi, në derën e së cilit mosha e përcaktuar është +21.