Parashikimi i motit për pesë ditët e ardhshme

Instituti Hidrometeorologjik i Kosovës ka njoftuar se si do të jetë moti në vendin tonë për pesë ditët e ardhshme.

Sipas njoftimit të këtij instituti, të hënën të martën dhe të mërkurën do të ketë mot të vranët, përcjell Klankosova.tv.

Edhe dita e enjte dhe e premte do të jenë të tilla, por me intervale të shkurtra me diell.

Njoftimi i plotë nga IHMK:

E Hënë, 13 Janar 2025

Moti do të jetë kryesisht i vranët, me reshje të herëpashershme të bores, me intensitet të dobët deri mesatar. Në orët e mëngjesit priten ngrica dhe kushte për mjegull. Temperaturat minimale do të luhaten ndërmjet  -5°C dhe -3°C, ndërsa maksimalet nga -2°C deri në        -1°C. Era do të fryjë nga verilindja me shpejtësi 1-7 m/s.

E Martë, 14 Janar 2025

Moti mbetet kryesisht i vranët. Temperaturat minimale do të jenë ndërmjet -3°C dhe -1°C, ndërsa ato maksimale do të variojnë nga 0°C deri në 2°C. Era do të jetë e lehtë nga drejtimi verilindor.

E Mërkurë, 15 Janar 2025

Moti do të jetë kryesisht i vranët. Temperaturat minimale priten të zbresin ndërmjet -6°C dhe -3°C, ndërsa maksimalet do të jenë nga      -2°C deri në 0°C. Era do të jetë e dobët, me shpejtësi 1-3 m/s nga verilindja.

E Enjte, 16 Janar 2025

Parashikohet mot i vranët, por me intervale të shkurtra me diell. Në mëngjes kushte për mjegull dhe ngrica ,Temperaturat minimale do të luhaten nga -6°C deri në -3°C, ndërsa maksimalet do të arrijnë nga -2°C deri në 2°C. Era do të fryjë nga verilindja me shpejtësi 1-4 m/s.

E Premte, 17 Janar 2025

Moti do të jetë i vranët, me periudha të shkurtra me diell gjatë ditës.Në mëngjes ngrica dhe kushte për mjegull. Temperaturat minimale do të variojnë nga -8°C deri në -4°C, ndërsa maksimalet nga -1°C deri në 4°C. Era do të jetë e lehtë nga verilindja, me shpejtësi 1-2 m/s.