Humb jetën një grua në Prishtinë, dyshohet për vetëvr;asje

Një ngjarje e rëndë ka ndodhur sot në një familje në Prishtinë, ku në një banesë në lagjen Bregu i Diellit, një grua ka humbur jetën tragjikisht. Sipas informacioneve të para, viktima dyshohet se i ka dhënë fund jetës brenda banesës, raporton Gazeta Sinjali.

Siç merr vesh Sinjali bëhet fjalë për një grua të moshës rreth 43-vjeçare.

Viktima u gjet e varur dhe vdekjen e saj e ka konstatuar ekipi mjekësor që intervenoi në vendin e ngjarjes pasi rasti u denoncua.

Njësitë policore kanë kryer ekzaminimet e nevojshme, teksa akoma nuk dihet motivi dhe rrethanat e tjera të rastit.

Me urdhër të Prokurorit të Shtetit, kanë nisur hetimet për zbardhjen e rastit.