Ankohen fermerët: U dëmtuan nga përmbytjet s’i ndihmon askush
Te qeveria erdhën vetëm katër, por pas tyre këta fermerë kanë edhe shumë të tjerë.
Ata dolën këtu për t’i paraqitur ankesat e tyre në lidhje me moskompensimin e dëmeve që ju shkaktuan nga reshjet në vitin 2023, edhe pse diçka e tillë ju ishte premtuar.
“Është hera e tretë që jemi duke ardhur këtu, edhe ka qenë përmes mediave që disa herë kemi tentuar, kemi kërkuar edhe termine, por nuk kanë qenë të qasshëm. Sot e asaj dite nuk kemi marrë një përgjigje, njofton Klankosova.tv.
Nesër po tentojmë ta marrim një përgjigje nga ministria”, tha njëri nga fermerët.
Ata thonë se ndihmën për rimëkëmbje është dashur t’ua bëjnë Ministria e Financave dhe ajo e Bujqësisë.
“Ne që sa vite jemi duke pritur, edhe jemi duke pritur të na ndajnë mjetet, por mjete s’ka. Nuk e di çfarë është puna”, u shpreh fermeri tjetër.
Por me këta fermerë që përfaqësojnë komunën e Prishtinës dhe Obiliqit nuk u mor askush as këtë herë, ndërsa ata paralajmëruan se hapi i tyre i radhës është protesta./Klankosova.tv.
